أبو العبد شخصية من شخصيات
مقالاتي الساخرة وهو يتكلم
بلهجته العامية (وعادة ما يرافقه
أبو محمد أو أم العيال أو إحدى
بناته أو أالعبد .. وغيرهم)
فأرجو المعذرة من تكرار بعض الجمل العامية من خلال المحادثات لإيصال
الفكرة بإسلوب لا يخلو من
بعض السخرية ، ونتمنى عليكم سعة
الصدر والمتابعة.
خبز بالنفط!
- بتعرف قَدِّيش صار سِعر
الخبز هالأيام يا أبو
العبد؟ سمعت إنه (موَلِّع
نَار)؟!
- أكيد قَصدَك المُدعَّم
بالنفط، والا بدك سِعر
غير المُدَعَّم؟!
- ليش، وِشُّوو بتِفْرِق
يَعني؟!
- بتفرق يا (أهبل)!؛
المدعم طعمه أزكى هالأيام
لأنه بذكرني بريحة النفط
زماااااااااااان!
- إييييييييه والله يا
أبو العبد الواحد اشتاق
لريحة النفط من زمان الله
يسهل عليك يا (.......)!!
- هُسسْسسسْسسْس؛ لا حدا
يسمعك وتودينا بداهية
خلينا بالخبز والريحة
وبس!!
- بهمسٍ يتابع؛ آه والله
يا أبو العبد كان الواحد
يطلع من سقف السيل لمعان
بـ (شوية فراطة)،
والخُبز المشروح، مع ريحة
البنزين على الطريق
بتفحفح!، وطول الطريق
نمَضِّيها (أشْقِفْلَك
وتِشْقِفْلِي)، متذكر يا
أبو العبد؟!
- وهاي أيام تِنَّسَى يا
أبو محمد!!، كان الرَغيف
هَالوِسِع (وفرد بين
ذراعية على وِسْعها)!!
- على مهلك يا أبو العبد،
(رُحِت ما تِعوِرني)!
- سامحني يا أبو محمد،
والله الواحد كان زمان
يحكي من وسع!!،
وِتخَيَّلِت حالي بعدني
عايش بهذيك الأيام!!
- وَلْ يا أبو العبد ، ما
إحنا الأيام هاي كمان
بنحكي من وَسَع!!!
- هُسْسسْسسْسسسْس؛ لا
حدا يسمعك بعدين الله
يستر ما تُوسَع أكثر مِن
هيك!!
يتبع ...
يتبع في مـ G ـــال وراه ...
...
خليل
