شفته؟؟! لا والله بعدني ما شفته ... من هالناح يا أبو عرب لا والله من هالناح ::: أنا شفته ::: هيو هناك لا بل هناك ... لا هنا ... لا من هان ... والله أنا شايفته هون ... إبن عمي شفته للهلال ؟... هيو يا عمري مطرح ما بدك واقف عم بستناكي ... هاظ هو هلالنا .. أنا شفته هون .. ول ول ول هاظ أنا مسطل والا شو شكله في هلال ثاني ... ممكن عمي تؤلي كيف شكله هذا الهلال؟ .. مثل حبة الموزة يا عمو .. يخليك لأبوك ان شاء الله ... والله ما حدا يشوفه قبلي غير أطخه الليلة ... خلينا نروح حبيبي ونرجع بكرة بلكي شفنا الهلال تبعنا ::: قولتك.. أصلاً أنا تعبت رجولي من الوقفة وعلى شو مستعجلين ... بتعرفي يا حرمة شكلي الليلة مش جاي على بالي أصوم خلينا لبكرة بكون أحسن ... بس بكرة ما بنقدر لأنه اليوم بخلص شوال ... ما علينا بندبرها يالله يالله خلينا نروح ... شو رأيك نعلن عنه اليوم قبل الكل حتى لو ما شفناه :: خلينا إحنا السباقين للخير ::: .... ..... أبو العملاء يخاطب أبو الدسائس وزوجته : الليلة بدي اياكم تقلبوها دندرة فوق روسهم ... استخدموا كل أساليبكم للوسوسة في عقول الناس لكي يختلفوا ... حتى لو استخدمتوا السحر اسحروا اعينهم خليهم يشوفو الديك هلال في عز النهار ... بدي الكل يقول هي الهلال والكل يعطينا شكل جديد للهلال ... الليلة ليلتكم يا أوباش :: انطلقوا ( يضحك أبو الدسائس وزوجته فهم يعشقون كلمة أوباش ويطربون لها ) ... ولا يهمك معلمي إنت كون مرتاح واعتبر العملية خالص مخلص والا شو رأيك يا أم الدسايس ؟ تفرك يديها بشدة وتظهر العين الحمرا وتقول له: ( والله والله لأخليهم يناموا على وجوههم كَّفِيْ (بتشديد الكاف وإمالتها إلى اللهجة العامية ) اجتمعوا تقاطروا تزاحموا تراكضوا تحاسدوا تناجشوا تباغضوا .... وفي نهاية المطاف رجع كل منهم بهلاله الخاص لشهره الخاص وناموا (كَّفِيْ) ... .... ....

حارة أبو عرب ::: رؤية هلال رمضان